၂ဝ၂၁-၂ဝ၂၂ ပညာသင်နှစ် တွင် အတန်းသုံးတန်း အား သင်ရိုးသစ် ပြောင်းလဲမည်

Posted on

ကိုဗစ်ရောဂါကြောင့် စာသင်ကျောင်းများ ပိတ်ထားသော်လည်း ၂ဝ၂၁-၂ဝ၂၂ ပညာသင်နှစ် တွင် Grade-5၊ Grade-8၊ Grade-11 အတန်းသုံးတန်းကိုသင်ရိုးသစ်များပြောင်းလဲမည်ဖြစ်ကြောင်း ပညာရေးသုတေသနစီမံကိန်း လေ့ကျင့်ရေး ဦးစီးဌာနဒုတိယ ညွှန်ကြားရေးမှူးချုပ် ဒေါက်တာ ဇော်လတ်ထွန်းက ပြောသည်။

ဒီဇင်ဘာ ၃ဝ ရက်က Grade-5 နှင့် Grade-8 သင်ရိုး သင်ခန်းစာ တချို့ရေးဆွဲပြီးစီးသဖြင့်ပညာရေး ဝန်ကြီးဌာနသို့ပေးပို့ခဲ့ကြောင်း၎င်းကပြောသည်။

”ပုံမှန် လုပ်ထုံးလုပ်နည်းအရပဲကျောင်းသုံးစာအုပ် တချို့ထဲက ကျွန်တော်တို့ စိစစ်အတည်ပြုပြီး သားစာအုပ်တွေ ကို ပညာရေးဝန်ကြီးဌာနကိုပို့လိုက်တာပေါ့။ ပညာရေးဝန်ကြီးဌာနကလည်း ထုံစံအတိုင်း ပြန်ကြားရေးဌာနကိုပို့မယ်။ ထုံးစံအတိုင်းပုံနှိပ်မှာပေါ့”ဟု ဒေါက်တာဇော်လတ်ထွန်းကပြောသည်။

ကျောင်းများပိတ်ထားသော်လည်းသင်ရိုးညွှန်းတမ်း စီမံကိန်းအရ နှစ်စဉ်ပြောင်းလဲရမည်ဖြစ်ပြီး ရပ်ထား၍မရကြောင်း ၎င်းကဆက်ပြောသည်။ KG+12 သင်ရိုးသစ်တွင် KG မှ Grade-5 (ပ ဉ္စမတန်း)အထိ မူလတန်း၊ Grade-6 မှ Grade-9(နဝမတန်း)အထိ အလယ်တန်းနှင့် Grade-10(ဒသမတန်း)မှ Grade-12 (ဒွါဒသမတန်း)အထိ အခြေခံပညာ အထက်တန်းဟူ၍ အသက် ၁၇ နှစ်အထိ ပညာသင်ရမည်ဖြစ်သည်။သင်ရိုးဟောင်းတွင်အသက် ၁၅ နှစ် အထိသာ ပညာသင်ကြားရသည်။

”ဒါက ပရောဂျက်အနေနဲ့သွားနေတဲ့အတွက် ဘယ်နှစ်မှာဘာလုပ်ရမယ်ဆိုတာရှိပြီးသားပါ။ ဆရာ ဆရာမတွေကအခြေအနေတစ်ရပ်ကြောင့် စာသင်ကြားတာမလုပ်နိုင်ပေမယ့် ကျွန်တော်တို့ကဒီလမ်းစဉ်အတိုင်း သွားနေရတာပဲလေ”ဟုဒေါက်တာဇော်လတ်ထွန်းကပြောသည်။

ယခုပညာနှစ်တွင် ပြောင်းလဲသော Grade-4၊ Grade-7၊ Grade-10 သင်ရိုးပုံနှိပ်စာအုပ်များကို ကျောင်းပိတ် ထားသဖြင့် ကျောင်းသားအားလုံးပင်မြင်တွေဖူး ခြင်း မရှိသေးပေ။ ၂ဝ၂၂-၂ဝ၂၃ ပညာသင်နှစ်တွင် အခြေခံပညာအတန်း အားလုံးသစ်ရိုး သစ်ပြောင်းလဲမှုများပြီး စီးမည်ဖြစ်သည်။

crd

Leave a Reply

Your email address will not be published. Required fields are marked *